فكروا يعمل ايه بالربع جنيه!!؟

فكروا يعمل اية بالربع جنية
________________________________________
فكروا يعمل اية بالربع جنية

واحد كان معاه ربع جنيه..

فكر يعمل بيه إيه..

يشرب عصير قصب و لا يركب الأتوبيس فقال :

أنا لو ركبت الأتوبيس هيبقي في حل من إثنين:

يإما هقف أو هقعد

لو وقفت مش هيبقي في أي مشكلة

لكن لو قعدت هيبقي في حل من إثنين:

يإما هيقعد جنبي راجل أو تقعد جمبي ست

أنا لوقعدت بجانب راجل مفيش مشكلة

لكن لو قعدت بجانب ست هيبقي فيحل من إثنين:

لإما هنعجب بعض يإما مش هنعجب بعض

لو مأعجبناش بعض مفيش مشكلة

لكن لو أعجبنا بعض هيبقي في حل من إثنين:

يإما هنتجوز يأما مش هنتجوز

لو مإتجوزناش مفيش مشكلة

لكن لو إتجوزنا هيبقي في حل من إثنين:

يإما هنخلف يأما مش هنخلف

لو مخلفناش مفيش مشكلة

لكن لو خلفنا هيبقي في حل من إثنين :

يإما هنخلف ولد أو بنت

لو خلفنا بنت مفيش مشكلة

لكن لو خلفنا ولد هيبقي في حل من إثنين:

يإما هيستقيم أو هينحرف

لو إستقام مفيش مشكلة

لكن لو إنحرف هيبقي في حل من إثنين:

يإما يدمن أو مش هيدمن

لو مأدمنش مفيش مشكلة

لكن لو أدمن هيبقي في حل من إثنين:

يإما هيبقي معاه فلوس أو معهوش

لو كان معاه فلوس مفيش مشكلة

لكن لو كان عايز فلوس هيبقي في حل من إثنين:

يإما هيسرقني أو هيقتلني

لو سرقني مفيش مشكلة لكن لو قتلني ..

... يقتلني ؟؟!!!!!!!!!

لا ياعم أنا أشرب عصير قصب أحسن